دوو هاوڵاتی بە ڕەگەز عەرەب لە سلێمانی دەستگیرکران

دوای کەمتر لە (٤)کاتژمێر لە دیارنەمانیان، دوو هاوڵاتی عەرەبی نیشتەجێی پارێزگای زیقار کە لەلایەن کەسوکاریانەوە گوماندەکرا ڕفێنرابن، دۆزرانەوە و دەرکەوت تۆمەتبارن بە دزیکردن.

بەڕێوەبەرایەتی ئاسایشی پارێزگای سلێمانی / ناوشار، لەدوای بەدەستگەیشتنی نوسراوێکی پۆلیسی پارێزگای زیقار، لەسەر سکاڵای باوکێک سەبارەت بە دیارنەمانی دوو کوڕە هەرزەکارەکەی.

 هێزەکانی ئاسایش دوای کۆکردنەوەی زانیاری و بەدواداچوون، بۆیان دەرکەوت لەڕێگەی گروپێکی گەشتیارییەوە هاتوونەتە شاری سلێمانی و لە هۆتێلێکدا ماونەتەوە، پاش لێکۆڵینەوە لەگەڵیان دەرکەوت بڕی (٣٥) ملیۆن دیناری عێراقییان لە باوکیان بردووە و خۆیان حەشارداوە .

لە ئێستادا هەردوو تۆمەتبار ڕووبەڕوی یاسا کراونەتەوە.